1.- Ikastaroetara etortzeko beharrezkoa da eskatutako adina izatea, ikastaroa hasiko den hilabetean.

2.- Hasiera aurreratua 6-9 urtekoen ikastaroa egin ahal izateko, ikasleak etengabeko igeri saioa egin beharko du 7 metroko gutxieneko distantzian.

3.- Hobekuntza, ikastaroetan izena eman ahal izateko 15 metroko distantzian etengabe igeri egiteko gaitasuna frogatu beharko da. Monitoreak eskakizun horiek betetzen ez direla erabakiko balu, ikasleari baja emango litzaioke
ikastaroan.

4.- Monitorearen aholkua dela medio, pertsona bati ikastaro batean baja eman behar zaionean, jaso gabeko klaseen araberako zenbatekoa itzuliko zaio.

Plazen zozketaren bidez egingo diren ikastaroetako izen emateak, aurretiko izen ematearen ondorengo zozketan irabazle suertatzen direnen behin-betiko izen ematearen bidez burutuko dira.

Aurretiko izen emateari dagokion orria jasotzeko eta entregatzeko, ezinbestean ikastaroa egingo den Polikiroldegira joan behar da, xedaturiko epeen arabera.

1. Aurretiko izen emateak, aurretiaz adierazitako egunetan eta orduetan burutuko dira. Aurretiko izen emateen inguruko behin-betiko zerrendak zozketa ospatu baino 15 minutu lehenago jendarteratuko dira.

2. Eskatzaile bakoitzak ikastaro, ordutegi eta instalazio bakarrean eman ahal izango du izena. Bikoiztasunaren kasuan, IMD-ek bikoiztasun hori baliogabetzeko eskubidea izango du egokitzat jotzen duen moduan, eta arau-hausleak ez du inolako erreklamaziorik egiteko eskubiderik izango.

3. Familia unitate bateko kide ezberdinek instalazio, ikastaro eta ordutegi berean izena ematen
   dutenean, zenbaki korrelatiboak emango zaizkie.

4. Eskainitako plaza guztien kopurua aldatu ahal izango da aurreko kasua gertatzen denean, eskainitako plazen artean lehenengo plaza ala azkena dagokionean.

5. Familia bereko kide ezberdinekin plaza bakarrean baino gehiagotan izena eman duen titularrak, zozketan plaza lortzen duenean, izena emateko unean egiaztatu beharko du, hori bermatuko duen legezko agiria dela medio –IMD abonatuaren agiria, familia liburua edo beste agiriren batkide horiek familia unitate berekoak direla.

6. Ikastaroetako plazen zozketa, xede horretarako esleituriko tokian, Gorostitza ala Lasesarre, izena eman duten guztien artean egingo da, adierazitako egunean eta orduan.

7. Ikastaroa egingo duenaren abizenen aurrean ezarritako zerrendako zenbakia izango da plazen zozketarako bere zenbakia erabakiko duena.

8. Zozketa ontzi batekin egingo da; zenbakidun bola batzuk sartu eta horiek banaka aterako dira, enbaki irabazleei bidea emateko. Zenbaki horrekin irabazleen kontu korrelatiboari hasiera emango zaio eta kontu hori eskainitako plazen azken zenbakia ateratzean amaituko da. Ondorengoak itxaron zerrenda osatzera pasatuko dira, bajaren bat gertatzen denean plaza hori estali ahal izateko.

9. Zozketako irabazleek bere izen ematea formalizatu beharko dute ezinbestean arestian aipaturiko tokian, egunetan eta orduetan. Egun horietan egin ezean, lorturiko plaza baliogabetuko litzateke eta itxaron zerrenda erabiliko litzateke. Zozketaren emaitzak Kiroldegi horietako iragarki-tauletan argitaratuko dira.

10. IMD-ek ikaslearen datuen egiazkotasuna frogatzeko beharrezko agiriak eskatzeko eskubidea izango du. Horiek faltsuak izaten direnean, IMD-ek izen ematea egokitzat jotzen duen moduan baliogabetzeko ahala izango du, eta arau-hausleak ez du inolako erreklamaziorik egiteko eskubiderik izango.

• Itxaron zerrendan izena eman dutenek ez dute ondorengo zozketetan parte hartzeko inolako eskubiderik izango.

• Ikastaroetan parte hartzeko beharrezkoa da eskaturiko adina izatea ikastaroaren hasierako hilabetean.