Igerilekuak-erabilera arauak

 

SARTZEAN

• Derrigorrezkoa da tornuak erabiltzea instalaziotan sartzeko, abonatu-txartela, sartzeko bonua edo sarrera-txartela aldean edukita, kontroleko langileei erakutsiz eskatzen duten guztietan.

• Bainu libreko modalitateari dagokionez, 12 urtetik beherakoek adinez nagusiko arduradun batek lagunduta egon beharra daukate.

• Abonatu-txartela behar bezala ez erabiltzeak gutxienez 15 egunez kentzea eragingo du.

ALDAGELETAN

• Ez ekarri kiroldegira baliodun objekturik.

• Aldageletako armairuan gordeko dira norberaren gauzak, objektu pertsonalak ondo zainduta utziz beti.

• UKE ez da, inolaz ere, armairuetan gordetako objektuen erantzule, eta armairuak ez dira erabiliko gordailu edo kontsigna gisa.

• Derrigorrezkoa da aldageletan lur bustirako oinetakoak janztea, baita paperontziak erabiltzea ere.

• Aldageletan debekatuta dago:

• Jatea, beste erabiltzaileei eragozpenak sortzea (korrika egin, txistua bota, oihuka ibili, ...), tabakoa erretzea, alkohola edatea, bizarra kentzea edota depilatzea.
   

IGERILEKUAN

DERRIGORREZKOA DA:

• Dutxatzea bainatu aurretik, baita bainatzeko gunera joatean ere, bereziki, komunak erabili eta gero.

• Bainu-txanoa janztea.

• Igerileku-eremuan bainujantzia erabiltzea, edo, bestela, kirol arropa eta kirol oinetakoak.

• Instalazioak ezarritako ordutegia errespetatzea.

• Karteletako oharrak, arauak eta seinaleak betetzea eta aintzat hartzea, era berean, sorosleek, monitoreek eta instalazioko langileek emandako aholkuak errespetatzea.

GOMENDATZEN DA:

• Txankletak janztea.

• Igerilekuko kaleen eskuinaldean igeri egitea, bi noranzkoetako zirkulazioa erraztuz, eta horrela, igeriketa-eremuaren erabilera hobea lortuz.

• Ura zentzuz erabiltzea, bai iturrietakoa, eta bai, dutxetakoa ere. Ura ondasun urria da, beraz, ez alferrik xahutu!

• Bainatzeko gunean sartu aurretik, komunak erabiltzea.

DEBEKATUTA DAGO:

• Xaboiak, xanpuak edo antzekoak erabiltzea igerileku-eremuko dutxetan.

• Hegatsak, betaurrekoak (igerian espezifikoak direnak izan ezik), koltxonetak, flotagailuak, tamaina handiko jolas-materiala erabiltzea baimenik gabe. Hegatsek erabilera terapeutikoa izango dute soilik (lesioen errekuperaziorako), eta horren baimena eskuratu ahal izateko, Osakidetzaren egiaztapen-agiria aurkeztuko beharra dago UKEko bulegoetan.

• Zauriak, larruazaleko eta gorputzeko gaitzak dituztenak bainatzeko gunean sartzea, eta bai, ukipenaren bidez erraz kutsatzen den gaixotasunaren baten susperraldian daudenak ere, ukipena zuzenekoa edo zeharkakoa uraren, elementu pasiboen (adibidez, kortxo-ilarak edo igeriketataulak), airearen, & bitartez izan daiteke.

• Beirazko objektuak edo hauskorrak diren gauzak sartzea.

• Jatea (belar naturaleko gunean izan ezik), erretzea, edari alkoholdunak edatea eta edozein motatako substantzia toxiko kontsumitzea.

• Igerilekuetako ura zikintzea eta uretan txistua botatzea edo zintz egitea.

• Beste erabiltzaileei eragozpenak sortzen dizkieten irrati edo soinu-aparatuak erabiltzea. Kasu guztietan, musikaren erreprodukzioa pertsonalizatua izango da (entzungailuen bidez).

• Laguntzarik gabeko adingabeak igerileku-eremuan egotea. Gurasoak edo tutore legalak dira adingabeen arduradun nagusi, eta bai, horiek egiten dutenaz ere, batez ere, baldin eta igerian ez badakite edo haurrak badira.