ERRESERBA DAITEZKEEN INSTALAZIOAK

Gorostitza eta Lasesarreko kiroldegietako eta Barakaldes pilotalekuko kirol-pista guztiak erreserbatzeko aukera dago. Horrez gain, beti ere euren arauak kontuan hartuz, Serralta, La Siebe eta Ansioko futbolzelaiak ere erreserba daitezke.

Erreserba egiten duenak, eguneko, ordu bat soilik erreserba dezake aukeratutako instalazioa.

NOLA EGIN

Erreserbak egiteko bi modu daude: Gorostitza eta Lasesarreko kiroldegietan jarritako makina gaibanatzaileen bitartez edo bestela www.imdbarakaldouke.com web orrialdean erabiliz.

Ordaindu beharra dago erreserba egiten den une berean.

TELEFONOZ EZIN DA INOLAKO ERRESERBARIK EGIN.

Hutsegite informatiko edo matxurarik gertatuz gero, ezin da aurrez erreserbatu.

ERRESERBA EGIN AHAL IZATEKO AURRETIKO EPEA

Abonatuek zazpi egun lehenago edozein pista erreserbatzeko aukera dute, baldin eta aukeratutako kiroldegietako makina erabiltzen badute, eta sei egun lehenago baldin eta erreserba beste kiroldegi batean edo Interneten egiten badute.

Abonatuak ez direnek hiru egun lehenago erreserbatu beharra daukate.

Makina gai-banatzaileak erabiltzeko dagokion instalazioa irekita egon behar da, Interneten bidezko erreserbak, ordea, eguneko 24 orduetan.

Bestalde, berehalako erreserbek (erreserbatu eta berehala burutzen direnak) ez dute inolako murrizketarik, hau da, pista libre izanez gero, nahi adina ordutarako erreserba daiteke, beti ere, pista erabili aurretik, erreserba eta ordainketa burutu behar direla kontuan edukiz.

ORDAINKETA MOTAK

Makina gai-banatzaileen bidezko erreserbak egiteko honako bi modu daude: dirutan (makinetan txanponak sartu ahal dira beti, baita balio handiko zein txikiko billeteak ere, diru-kopuruaren arabera) edo banku-helbideratzearen bitartez. Bigarrenaren kasuan ezinbestekoa da zerbitzu horretako alta hartzea, horretarako, UKEko bulegoetan datuak jasotakoan, ordainketa helbideratuak burutu ahal izateko gako bat egokitzen zaio interesatuari.

Interneten bidezko erreserbak bankuhelbideratzearen bitartez ordaintzen dira aurreko kasuan emandako pausoak burutuz.

EZ DA ONARTUKO ITZULITAKO ORDAINAGIRI HELBIDERATURIK

Ordainagiri helbideraturik ez ordaintzeak zerbitzuaren baja dakar berekin automatikoki, eta sortutako zorra kitatu arte, ezin izango da metodo horren bidezko inolako erreserba edo zerbitzurik ordaindu.

BA AL DAGO EGINDAKO ERRESERBA BALIOGABETZEKO AUKERARIK?

Behin erreserba egin ondoren, ezin da baliogabetu.

UKEri egotzitzako arrazoiak tarteko edo eguraldi txarra dela medio, kirola segurtasunez ezin praktika badaiteke eta erreserbatutako pista ezin erabil badaiteke, aldatzeko aukera dago

• Erreserban adierazitako ordutegian bertan eta kiroldegiko harrera-gela berean, non erreserbaren zenbatekoa itzuliko den, abonatu-txartelean edo, ez abonatuen kasuan, makinatik ateratako txartelean zenbatekoa kargatuz.

• Baldin eta, erreserban adierazitako ordutegian, kiroldegian bertaratzerik ez badago, aldaketa bost (5) laneguneko epean egingo da, honela: harrera-gelan xede horretarako emandako eskabide-orria betez, hortik, UKEko bulegoetara bideratuko delarik, edo bestela, posta elektronikoaren bidez, reservas@imdbarakaldouke.com helbidera, zera adieraziz:

• Interesatuaren izen-abizenak (abonatu-zenbakia, halakoa bada).

• Aldatu nahi duzun erreserbaren eguna.

• Zein pistatan (zehaztu zein den pista zenbakia).

• Zein ordutan.

• Erreserba egiten duena aurkitzeko moduko telefono-zenbakia.

• Aldaketa egiteko zergatia.

UKEko administraritzak interesatuarekin jarriko da harremanetan, eta haren eskabideari buruz erabakitakoa jakinaraziko dio.